Mae Journey of the Shapeshifter yn sioe syrcas awyrol, gydag acrobateg a cherddoriaeth werin fyw, wedi ei hanelu at deuluoedd a chynulleidfaoedd o bob oed. Wedi ei hysbrydoli gan stori Ceridwen a Taliesin o’r Mabinogi, mae’r sioe yn dilyn themâu trawsffurfiad a gweddnewidiad gyda bodau dynion yn cymryd siâp anifeiliaid.
Y neges fwy yw ein bod ni, fel anifeiliaid, yn rhan o’r byd naturiol ac yn gallu byw mewn cytgord gyda natur. Mae Freya Sofia a’i chwmni wedi’u lleoli yn Nyffryn Ogwen. Mae eu gwaith wedi’i ysbrydoli gan y dirwedd leol, llên gwerin a cherddoriaeth werin.
Rydym yn disgwyl y bydd hwn yn ddigwyddiad poblogaidd iawn, felly argymhellir yn gryf eich bod yn archebu’ch tocynnau ymlaen llaw. Archebwch ar-lein trwy wefan Celfyddydau SPAN i sicrhau eich lle yn un o’r ddau berfformiad gwych sy’n cael eu cynnal ar y diwrnod.
Parcio: Mae maes parcio codi tâl ar gael yn safle’r Ymddiriedolaeth Genedlaethol, ond mae nifer y lleoedd yn gyfyngedig, dewch yn gynnar i sicrhau lle. Fel dewis arall, mae parcio ychwanegol ar gael yn Llanrhath (Amroth) a gallwch gerdded i’r safle o’r traeth; bydd hyn yn cymryd tua 20-30 munud.
Trafnidiaeth gyhoeddus: ar gael i Lanrhath (Amroth) a gallwch gerdded i’r safle o’r fan yna.
Yn ogystal â gweld y sioe, bydd gennych fynediad i archwilio safle’r Ymddiriedolaeth Genedlaethol.
Cyfleusterau: Mae’r llwybr i safle’r perfformiad yn hygyrch i gadeiriau olwyn; ond byddwch yn ymwybodol y bydd y perfformiad ar borfa.
Mae toiledau cyhoeddus a rhai hygyrch ar gael ar y safle ynghyd â chyfleusterau caffi.
Os oes gennych anghenion mynediad penodol byddwch cystal â chysylltu â’n Cynhyrchydd Cymunedol ar info@span-arts.org.uk
Eistedd: Sioe awyr agored yw hon a bydd rhai matiau ar gael i bobl eistedd ar y llawr o flaen y perfformiad, ond bydd y gweddill o’r gynulleidfa yn sefyll. Mae croeso i chi ddod â’ch seddau eich hun os dymunwch, ac eistedd tu ôl i’r matiau ar y llawr.
Tywydd: Byddwn yn gwneud popeth i sicrhau bod y sioe yn mynd yn ei blaen, ond os bydd gwynt yn hyrddio dros 40 milltir yr awr, bydd safle’r Ymddiriedolaeth Genedlaethol yn cau. Os bydd glaw trwm yn peryglu diogelwch y perfformwyr, bydd yn rhaid i ni ganslo’r sioe. Os byddwn yn gorfod canslo’r sioe, byddwn yn dychwelyd cost eich tocyn i chi. Fel arall, mae gennym bolisi peidio â dychwelyd arian.
